ఒక్కటే మార్గం!

జూలై 8 నాటి ‘బతుకమ్మ’లో ప్రచురించిన ‘మనది భాషావూపయుక్త రాష్ట్రమా?’ వ్యాసంలో రచయిత చంద్రమౌళి అనేక ఉదాహరణలతో తెలంగాణ భాషకు 1956 నుండి జరుగుతున్న భాషాపరమైన వివక్షను చక్కగా వివరించారు. ఆంధ్రుల దోపిడీ నుంచి బయటపడేందుకు తెలంగాణ రాష్ట్రాన్ని సాధించుకోవడం ఒక్కటే మార్గమన్నారు. ఇది అక్షరాల నిజం.

- ప్రమోద్ అవధాని, హైదరాబాద్

మంచి కథనం
‘నమస్తే తెలంగాణ’ దినపవూతికకు హృదయపూర్వక అభినందనలు. గత సంచికలో ప్రచురించిన ‘మనది భాషావూపయుక్త రాష్ట్రమా?’ కథనం నిజ జీవితానికి దగ్గరగా ఉంది. మంచి కథనాన్ని అందించిన ‘బతుకమ్మ’కు కృతజ్ఞతలు.

- కొత్తపల్లి విశ్వనాథ్, మహబూబ్‌నగర్ జిల్లా

ఆలోచనాత్మకం
ఆదివారం ‘బతుకమ్మ’ తెలంగాణ జాతీయాలతో మన సంస్కృతిని, భాషను, యాసను అన్నీ ప్రతిబింబించే విధంగా తీర్చిదిద్దుతున్నందుకు ధన్యవాదాలు. ‘సంపాదకుల సమాధానాలు’ ఎంతో ఆలోచనాత్మకంగా, చురకత్తుల్లా ఉంటున్నాయి. తెలంగాణకే సొంతమైన బోనాల పండగ విశేషాలు ఆకట్టుకున్నాయి. ‘ఫటాఫట్’ శీర్షికలో జగిత్యాలకు చెందిన దువ్వాసి మోహన్ సినీరంగ ప్రవేశ విశేషాలు ఆసక్తిని కలిగించాయి.

- బాస రాములు, మెట్‌పల్లి, కరీంనగర్ జిల్లా

‘చింత చిగురు పచ్చడి’ రుచి చూశాం!
జూలై 8 నాటి సంచికలో ప్రచురించిన ‘చింత చిగురు పచ్చడి’ ఇంట్లో చేయించుకుని తిన్నాక నా అభివూపాయం చెబుతున్నాను. ‘మన బోనం’లో హైదరాబాద్‌లోని వివిధ ప్రాంతాల దేవాలయాల వివరణలు బాగున్నాయి.

- పులిజాల రవీందర్‌రావు, వనస్థలిపురం

అలరిస్తున్నవి
జూలై 15 నాటి సంచికలోని శీర్షికలన్నీ బాగున్నాయి. ‘ఆత్మీయం’ శీర్షిక చాలా బాగుంది. దానిని మరింత విపులీకరించి రాయండి. కవర్ కథనం సింగరేణి కార్మికుల జీవితాలను కళ్ళకు కట్టింది. అలాగే, ‘ఫటాపట్’, ‘నేను చూసిన తొలి సినిమా’ అలరిస్తున్నవి. ఇక ‘గంజాయి వనంలో తులసి మొక్క’ కథ హృదయానికి హత్తుకుంది. ఇందులోని పాత్రలన్నీ నిజ జీవితానికి దగ్గరగా ఉన్నాయి. లచ్చవ్వ లాంటి భార్య పాత్ర ఆలోచనలు చాలా మందికి రావాలి. ‘మాను లేనిదే మనుగడ లేదని’ తెలియజేసినందుకు ధన్యవాదాలు. ‘సాగువాటు’ కవితలో అచ్చ తెలంగాణ పల్లె పదాలు దొర్లి చాలా ఇష్టంగా చదివించింది.

- తుంగ కనకరాజు, రామగుండం (ఇ-టప్ప)