- వీడియో కాన్ఫన్స్ వద్దు
- సీబీఐ కోర్టులో జగన్ .. కుదరదని తేల్చి చెప్పిన కోర్టు
- వీడియో కాన్ఫన్స్‌కు హాజరవ్వాలని ఆదేశం
హైదరాబాద్, జూన్ 23 (టీ మీడియా): జ్యుడీషియల్ రిమాండ్ గడువు ముగిసిన తరువాత తాను వ్యక్తిగతంగా కోర్టుకు హాజరవుతానని వైఎస్సార్సీపీ అధినేత, కడప ఎంపీ జగన్మోహన రెడ్డి దాఖలు చేసిన మెమోను శనివారం నాంపల్లిలోని సీబీఐ కేసుల ప్రత్యేక కోర్టు కొట్టివేసింది. ఈ నెల 25న వీడియో కాన్ఫన్స్ ద్వారానే ఆయనను విచారిస్తామని స్పష్టం చేసింది. జగన్ కంపెనీల కేసులో సీబీఐ అధికారులు ఇటీవల ఆయనను అరెస్టు చేసిన విషయం తెలిసిందే. ఈ నెల 25వ తేదీతో జగన్ జ్యుడీషియల్ రిమాండ్ గడువు ముగియనుంది. ఈ నేపథ్యంలో తనను వీడియో కాన్ఫన్స్ ద్వారా కాకుండా వ్యక్తిగతంగా కోర్టులో హాజరు పరిచి విచారణ జరపాలని అభ్యర్థిస్తూ కోర్టులో మెమో దాఖలు చేశారు. దీనిపై సీబీఐ తరఫు న్యాయవాదులు తీవ్ర అభ్యంతరాలు వ్యక్తం చేశారు. జగన్‌ను చెంచల్‌గూడ జైలు నుంచి నాంపల్లిలోని కోర్టుకు తీసుకురావాలంటే భద్రతాపరమైన సమస్యలు తలెత్తుతాయన్నారు. దాంతోపాటు సాధారణ ప్రజలకు తీవ్ర ఇబ్బందులు ఎదురవుతాయని కోర్టు దృష్టికి తీసుకువచ్చారు. ఇటీవల జగన్‌ను పోలీస్ వాహనంలో కోర్టుకు తీసుకురాగా దానిపై ఆయన తీవ్రస్థాయిలో అభ్యంతరం వ్యక్తం చేసిన విషయాన్ని గుర్తు చేశారు. ఇరుపక్షాల వాదనలు విన్న అనంతరం కోర్టు జగన్ దాఖలు చేసుకున్న మెమోను డిస్మిస్ చేసింది.
మరోసారి శ్రీనివాసన్‌ను..
జగన్ కంపెనీల కేసులో సీబీఐ అధికారులు శనివారం మరోసారి ఇండియా సిమెంట్స్ అధినేత శ్రీనివాసన్‌ను సుదీర్ఘంగా ప్రశ్నించారు. జగన్‌కు చెందిన కంపెనీల్లో శ్రీనివాసన్ రూ. 135 కోట్లు పెట్టుబడులుగా పెట్టిన విషయం తెలిసిందే. వైఎస్ రాజశేఖర్‌డ్డి ముఖ్యమంవూతిగా ఉన్న సమయంలో అప్పటి ప్రభుత్వం నుంచి సున్నంరాయి గనులు పొందటంతోపాటు ఇతరత్రా ప్రయోజనాలు పొందిన నేపథ్యంలోనే శ్రీనివాసన్ జగన్ కంపెనీల్లో పెట్టుబడులు పెట్టారన్నది సీబీఐ అభియోగం.