పాటల రచయిత చంద్రబోస్ హైస్కూల్లో ఉన్నప్పుడే ‘నవత’, ‘వార్తావాహిని’ అని రెండు వార్తాపవూతికల్ని నడిపాడు. వాళ్ల ఊళ్లోని సంఘటనల తాలూకు వార్తలు స్వయంగా రాసి ఆ పేపర్లను ఊరిలోని లైబ్రరీలో పెట్టేవాడట. ఊరికి సంబంధించిన వార్తలు కావడం వల్ల ఆ లిఖిత పత్రికలు చదవడానికి చాలామంది ఆసక్తి చూపించేవారట. ఆ వార్తలన్నీ అమ్మానాన్నలు మాట్లాడుకుంటుండగా విన్నవి కొన్ని, అన్నయ్యవాళ్ల బ్యాచ్ అనుకుంటుండగా గమనించినవి కొన్ని..కష్టపడి తిరిగి సేకరించినవి కొన్ని! ఆ పత్రికలు చంద్రబోస్‌కు ప్రత్యేకతను తెచ్చిపెట్టాయి ఊళ్లో. తరువాత కాలంలో పై చదువుల కోసం వాటిని ఆపేయాల్సి వచ్చింది. అయినా ఆ రెండు పత్రికలు ఎప్పటికీ మరిచిపోని యాదిని మిగిల్చాయట చంద్రబోస్‌కు.

x ట్రా
మన దగ్గర భక్తి... ముక్తి కన్నా భుక్తినే ఎక్కువిస్తోంది. గుడి మాన్యాల కబ్జా నుంచి గుడిలో లింగాన్నే మింగేసేదాకా.. భుక్తి ఆయాసాన్ని పెంచుతోంది! అందుకే మనకున్నన్ని ఆలయాలు, స్వాములు, బాబాలు, పీఠాలు.. కూడా ఇంకే మతంలో కనిపించవు. ముక్తి గురించి మునీశ్వరులు ఆలోచిస్తున్నారు. భుక్తిని మాత్రం భూస్వాములు చూసుకుంటున్నారు.